Súil Siar ar an mBliain

Tuarascáil Bhliantúil & Ráitis

Airgeadais an Ghrúpa 2022

RTÉ: Ábhar na Bliana 2022

Leis an ábhar agus leis na cláracha, leis na seirbhísí agus leis na daoine, tá mar aidhm ag RTÉ seasamh le cultúr na hÉireann, le muintir na tíre, leis an oileán agus leis an iléagsúlacht.

cat
Drámaíocht agus Greann

In 2022 lean RTÉ lena straitéis chun ár liosta forbartha sa drámaíocht agus sa ghreann scripte a mhéadú, ar mhaithe le níos mó sraitheanna a chur amach ar an teilifís, ach níos tábhachtaí fós ar an RTÉ Player ó tharla gur sraitheanna scripte is mó a mbíonn tóir orthu ar an ardán sin.

cat
Siamsaíocht agus Ceol

Lean RTÉ de lear mór cláracha siamsaíochta buaicthráthanna a choimisiúnú ó léiritheoirí neamhspleácha dá aschur siamsaíochta agus ceoil, ina raibh ábhar siamsaíocht nua, daoine cumasacha sa cheol agus filleadh na gcláracha is fearr le daoine.

cat
Na hEalaíona agus an Cultúr

De réir mar a tháinig laghdú ar thionchar na paindéime domhanda in 2022 agus de réir mar a tháinig gníomhaíochtaí ealaíne agus cultúrtha ar ais gar do na leibhéil a bhí ann roimhe seo, bhí RTÉ in ann réimse agus méid níos mó d’ábhar ealaíon agus cultúir a chraoladh, idir imeachtaí le lucht féachana beo agus léiriúcháin choimisiúnaithe. Agus é sin á dhéanamh, lean RTÉ de thosaíocht a thabhairt d’ábhar sainiúil ealaíon agus cultúir na hÉireann a chruthú chun lucht féachana leathan a mhealladh agus tacú le raon agus ilghnéitheacht iomlán ealaíontóirí cruthaitheacha agus taibhithe na hÉireann agus iad a chothú.

cat
Nuacht & Cúrsaí Reatha RTÉ

De réir mar a chuaigh géarchéim na hÚcráine in olcas ag tús mhí Feabhra 2022, d’eitil Eagarthóir na hEorpa Tony Connelly agus a cheamaradóir Bram Verbeke atá lonnaithe sa Bhruiséil chun na hÚcráine chun tuairisciú ón bpríomhchathair, Cív. Bhí Nuacht RTÉ ar an láthair nuair a thrasnaigh trúpaí na Rúise isteach san Úcráin, agus é ag tuairisciú ar an ngéarchéim dhaonnúil. Sna laethanta ina dhiaidh sin, ar líne agus ar an raidió agus ar an teilifís, rinneamar doiciméadú ar an eagla a bhí ar na daoine nach raibh in ann teitheadh agus ar mhisneach na ndaoine a bhí meáite ar throid agus léiríomar briseadh croí na dteaghlach a bhí tarraingthe óna chéile ag cogadh. Sna seachtainí agus sna míonna ina dhiaidh sin, san Úcráin agus ar an láthair i dtíortha in aice láimhe san Eoraip, mar aon leis na hiarrachtaí sa bhaile, lean iriseoirí ar fud Nuacht agus Chúrsaí Reatha RTÉ ag insint an scéil: ní hamháin i mBéarla ach i nGaeilge freisin, rud a léiríonn an ról tábhachtach a bhíonn ag foireann Bhaile na hAbhann gach lá, agus nuacht á bailiú i mBéarla agus i nGaeilge. Lean Nuacht RTÉ de bheith i gceannas ar chlúdach na mórimeachtaí náisiúnta i rith na bliana, lena n-áirítear tragóid phobal an Chraoslaigh, Co. Dhún na nGall, toghcháin Chomhthionól Thuaisceart Éireann, agus anailís dhomhain ar Bhuiséad na mbilliún euro chun dul i ngleic le géarchéim an chostais maireachtála.

cat
Fíorasach

Is in RTÉ Fíorasach a fhaightear na scéalta a bhaineann go speisialta le hÉirinn, áit ina dtagann lucht féachana RTÉ le haghaidh siamsa, eolas a fháil, agus iad féin a fheiceáil.

cat
Spórt RTÉ

Ba í 2022 an bhliain ina raibh réaltaí spóirt na hÉireann ar thús cadhnaíochta ar fud an domhain i ndisciplíní éagsúla agus chuir Spórt RTÉ faoi bhráid lucht féachana na hÉireann iad. Ó rámhaíocht, gleacaíocht, dornálaíocht agus rugbaí, bhain líon níos mó ná riamh de lucht spóirt na hÉireann stádas amach ina seaimpíní domhanda agus ina n-imreoirí domhanda na bliana, rud a chinntigh go raibh rath ar spórt na hÉireann i bhfad agus i gcéin. As na 10 gclár ba mhó lucht féachana ar RTÉ, ba chláracha spóirt beo naoi gcinn acu. Is rud é an spórt i gcónaí a thugann lucht féachana agus éisteachta le chéile, a spreagann iad agus a chuireann faoi dhraíocht iad.

cat
Daoine Óga

Ba bhliain iontach í 2022 d’ábhar leanaí ar fud ár seirbhísí ar fad. Tá ár straitéis ‘tús áite do chúrsaí digiteacha’ ag du lar aghaidh go maith agus táimid anois ag nascadh lenár lucht féachana ar fud iliomad ardán agus seirbhísí ar bhealach an-fhiúntach. Gné ríthábhachtach de seo is ea inaimsitheacht, agus leanaimid den obair mhór chun a chinntiú go bhfuil iliomad pointí teagmhála ann do leanaí agus do thuismitheoirí araon chun teagmháil a dhéanamh leo agus chun taitneamh a bhaint as ábhar ar fud na n-ardán. Tá fás leanúnach tagtha ar ár gcainéil YouTube atá brandáilte ag RTÉ agus tá rochtain ar ábhar ar fhón póca i bhfad níos éasca anois le cnaipe ‘páistí’ ar an RTÉ Player tugtha isteach againn ar iOS agus Android araon.

cat
An Ghaeilge

I measc an ábhair a chraol RTÉ i nGaeilge in 2022 ar an teilifís bhí raon leathan de shraitheanna agus d’fhormáidí úrnua a ndearnadh coimisiúnú orthu ó earnáil na léiritheoirí neamhspleácha agus ó na foirne intí, chomh maith le rogha níos fearr d’ábhar a bhí léirithe go neamhspleách a fháil, rud a thug rogha níos fearr d’ábhar i nGaeilge don lucht féachana i ngach seánra ó ábhar na bpáistí go dtí sraitheanna fíorasacha ag buaic-am féachana.

< RTÉ: Duaiseanna na Bliana 2022
RTÉ: Ábhar na bliana 2022 - Drámaíocht agus Greann >