23. Deontais
(a) Deontais Chaipitil
Grúpa | RTÉ | |||
2021 | 2020 | 2021 | 2020 | |
€’000 | €’000 | €’000 | €’000 | |
Iarmhéid Tosaigh | 4,811 | 7,904 | - | - |
Deontais a fuarthas maidir le togra 700 MHz | - | 170 | - | - |
Scaoilte chuig an Ráiteas Ioncaim | (403) | (282) | - | - |
Amúchadh ar dheontas caipitil | - | (2,981) | - | - |
4,408 | 4,811 | - | - | |
Arna anailísiú mar seo a leanas: | ||||
Dliteanais neamhreatha | 4,014 | 4,408 | - | - |
Dliteanais reatha | 394 | 403 | - | - |
4,408 | 4,811 | - | - | |
D’eisigh an DTCAGSM deontas caipitil a thosaigh sa bhliain 2017 le RTÉ Transmission Network DAC, fochuideachta de chuid RTÉ i ndáil le socrú do bhanda minicíochta Speictream 700 MHz a ghlanadh faoi mar a ordaítear faoi threoracha ón AE. Tá an ghluaiseacht maidir leis an deontas i rith na bliana i gcomhréir le polasaí cuntasaíochta an Ghrúpa.
(b) Deontais Eile
Le linn na bliana, bhronn Fondúireacht Eolaíochta Éireann (SFI) deontas €825,000 ar RTÉ (2020: €585,000) chun cláracha a bhaineann le heolaíocht a dhéanamh. Fuarthas €240,000 le linn na bliana (2020: €535,000).
Bronnadh deontas €66,911 (2020: €16,400) ar RTÉ faoin scéim Fuaime & Físe de chuid BAI agus an Scéim Cartlannaíochta i leith maoiniú cláracha agus an leabharlann cartlannaíochta a dhigitiú. Le linn na bliana, fuair RTÉ €36,338 (2020: €169,102) maidir le deontais a bronnadh.
Bronnadh deontas €nialas ar RTÉ ón gClár Éire Ildánach sa bhliain 2021 (2020: €1,109,000), agus fuarthas €nialas de sin in 2021 (2020: €1,109,000). Bhí deontas 2020 le cur i dtreo an chostais a bhain le tionscnamh bunaithe ar chultúr lenar áiríodh plean teilgin náisiúnta ealaíon a bhí mar chuid de Lonraigh do Sholas, An Grianstad de chuid RTÉ, promóisin shaincheaptha RTÉ Ag Tacú leis na hEalaíona a chruthú agus comórtas náisiúnta ealaíona digití do leanaí - This is Art.
Bhronn an Chomhairle Ealaíon deontas €80,000 ar RTÉ sa bhliain 2021 maidir le hOíche Chultúir 2021. Fuarthas €80,000 i rith na bliana.
Bhronn an Roinn Turasóireachta, Cultúir, Ealaíon, Gaeltachta, Spóirt agus Meán (DTCAGSM) deontas €2,430,000 ar RTÉ sa bhliain 2021 maidir le hábhar a léiriú, a sholáthar agus a choimeád mar chuid de chlár comórtha Dheich mBliana na gCuimhneachán. Fuarthas €500,000 i rith na bliana.
Bhronn an DTCAGSM deontas €100,000 ar RTÉ sa bhliain 2021 chun an Ghaeilge a chur chun cinn in 2021. €100,000 den deontas sin a fuarthas.
Bhronn an DTCAGSM deontas arbh fhiú €129,505 san iomlán é ar RTÉ sa bhliain 2021 maidir le The Atlas of the Irish Revolution. Fuarthas €nialas de sin in 2021.
Bhronn an DTCAGSM deontas arbh fhiú €50,000 san iomlán é ar RTÉ sa bhliain 2021 maidir le Tionscnamh Ealaíne Digití chun nuashonrú a dhéanamh ar láithreán gréasáin This is Art. Fuarthas €50,000 de sin in 2021.
Bhronn an DTCAGSM dhá dheontas ar RTÉ in 2020 arbh fhiú €218,476 san iomlán iad maidir le tionscadail chun comóradh a dhéanamh ar Chogadh na Saoirse agus ar an nGorta Mór. Fuarthas €120,477de sin in 2021 (2020: €80,125).