Beidh cruinniú ag Airí Airgeadais an Aontais Eorpaigh amárach chun liosta a chur i dtoll a chéile de na tearmainn chánach ar fud an domhain.
Sceitheadh eolas aréir faoi mar a chuidigh Banc na hÉireann agus AIB le daoine saibhre cáin a sheachaint trí airgead a chur i dtaisce thar sáile.
Dúirt an Taoiseach Leo Varadkar gur fearr an cheist seo a phlé ar bhonn idirnáisiunta tríd an Eagraíocht um Chomhar agus Fhorbairt Eacnamaíochta.
Dúirt an Taoiseach freisin gur léirigh iniúchadh a rinne an eagraíocht sin go bhfuil Éire ar cheann de 22 tír as 200 atá ag comhlíonadh a cuid dualgas ó thaobh trédhearcacht cánach de.
Ach dúirt urlabhraí airgeadais Fhianna Fáil gur cheart na bainc a thabhairt os comhair choiste airgeadais an Oireachtais chun ceisteanna a fhreagairt faoin scéal seo.
