Bronnadh an duais do chraoltóir raidió na bliana ag Gradaim Chumarsáide an Oireachtais ar Chormac Ó hEadhra as an Cheathrú Rua agus bronnadh an duais do chlár raidió na bliana ar a chlár Cormac@5.
Is é Maitiú Ó Coimín ó tuairisc.ie ar bronnadh gradam iriseoir nó colúnaí na bliana air. Thug nos.ie duais do láithreán gréasáin na bliana leo.
Bronnadh sraith teilifíse na bliana ar ‘Klondike’, sraith a léirigh an comhlacht Abú Media in Indreabhán. Bhuaigh Dara Ó Dubháin gradam aisteoir na bliana.
Is í Sláine Ní Chathalláin, iriseoir le Nuacht an Deiscirt a bhuaigh Gradam do Réalt Óg na Bliana.
Ba é Eoin Warner, ó Chontae Chorcaí ach atá ina chónaí ar an nGráig in Iarthar Duibhneach a bhuaigh an gradam do chraoltóir teilifíse na bliana.
Bronnadh Gradam Uí Shúilleabháin ar an leabhar ‘Conaire Mór - Seacht nDoras na Cinniúna’ le Diarmuid Johnson. Gradam foilsitheoireachta é seo. Tugadh duais €3,000 don fhoilsitheoir Leabhar Breac agus duais €2,000 d’údar an leabhair.
Bronnadh Buaic-Ghradam Cumarsáide an Oireachtais ar Shéamus Mac Géidigh, iar-bhainisteoir Réigiúin an Tuaiscirt RTÉ Raidió na Gaeltachta a cailleadh go tobann anuraidh.
