D'fhreastal breis is 1,000 duine ar Aifreann Éagnairce an iar-Easpaig, Eamonn Casey in Ard Eaglais na Gaillimhe tráthnóna.
Ina measc bhí Uachtarán na hÉireann Michael D.Higgins.
Ba é an tEaspag Brendan Kelly, Príomh-Cheiliúraí an Aifrinn.
Dúirt an tEaspag Kelly gur cuimhin le go leor an cineáltas agus an spreagadh a thug Eamonn Casey in am an gháthair.
Iar-Easpag Chiarraí agus na Gaillimhe Eamonn Casey
Ach dúirt Easpag Achadh Conaire freisin gur chuir na botúin a rinne Eamonn Casey - ina shaol pearsanta isteach go mór - ar phobal na h-eaglaise in Éirinn.
Bhí Easpag Chluain Fearta, John Kirby, i mbun na seanmóra.
Bhí easpaig eile i láthair freisin.
Chomh maith leis sin bhí sagairt ó dheoisí na Gaillimhe agus Chiarraí, mar aon le cléir eile i láthair ag an tsochraid.
D'fhreastal baill de Chomhairlí Cathrach agus Contae na Gaillimhe ar an ócáid freisin.
Tar éis an Aifrinn adhlacadh corp Eamonn Casey in Uaimh na hArdeaglaise.
