D'fhógair Cumann Sháirsintí agus Chigirí an Gharda Síochána (AGSI) in Átha Luain inniu go bhfuil sé le dul i mbun ghníomhaíocht thionsclaíoch.
Tá a ngearáin bunaithe ar aighneas faoi phá agus ciúinsí oibre.
Dúirt an AGSI go dtacóidh sé leis an aighneas atá beartaithe cheana féin ag Cumann Ionadaíoch an Gharda Síochána (GRA) ar na laethanta seo a leanas:
An AGSI i mbun plé inniu i mBaile Átha Luain
4ú Samhain
11ú Samhain
18ú Samhain
25ú Samhain
Ina theannta sin deir an AGSI nach mbainfidh sé aon úsáid as córas an PULSE idir 7 a'chlog ar maidin go dtí a 7 a'chlog tráthnóna ar na leathanta seo a leanas:
21ú Deireadh Fómhair
28ú Deireadh Fómhair
Dúirt Uachtarán an AGSI, Antoinette Cunningham, go bhfuil comhairle dlí faighte ag an gcumann maidir leis an ghníomhaíocht seo.
Dúirt sí gur bhraith sí go gcaithfí léiriú don Rialtas cé chomh dáiríre is a bhí an AGSI i dtaca le tuarastal a chuid ball a fháil ar ais.
Tá éileamh d'ardú pá 16.5% déanta ag an AGSI.
