Ag Cruinniú eolais poiblí a reachtáileadh ar an Spidéal arú aréir, léirigh an grúpa "Galway Bay against Salmon Cages" imní faoi eolas a chonaic siad ar shuíomh idirlín fhothchomhlacht do chuid Fhoras na Mara, Smartbay Ireland Ltd, a thugann le fios, a deir siad, go mbeidh staidéir á dhéanamh ar chúrsaí feirmeoireachta éisc agus eile ar an suíomh mara agus fuinnimh inathnuaite a bhfuil an Foras ag lorg léas 35 bliain ón Rialtas len aghaidh.
Níl tada dhá shórt luaite ag an bhforas féin deir siad i dtaobh an Iarratais oifigiúil atá déanta acu don suíomh, atá amach ó chósta an Spidéil.
Tá an comhairleoir timpeallachta agus mara Peadar Ó Maoláin, atá gníomhach leis an ngrúpa Salmon Watch Ireland, tar éis an cás a scrúdú.
Comhlacht neamhbhrabúis atá i Smartbay a deir Foras na Mara, a bhunaigh an Foras i gcomhar le NUIG agus DCU i 2012 ar mhaithe le teicneolaíocht mara agus comhshaoil a chur chun cinn.
Séanann siad áfach go mbeidh aon chliabhán bradán, ná tada eile dá shórt á bhfeistiú ar an láthair tástála úd.
