Bhuail crith talúin an Iodáil moch maidin inniu ag leagan na scórtha foirgnimh agus ag sáinniú na céadta. Maraíodh 73 agus tá iarrachtaí tarrthála faoi lán tseoil.
Tharla an crith i gceantar cnocach i Lazio agus Marche agus bhuail na bailte beaga Amatrice, Accumoli agus Pescara Del Tronto.
Tuairiscítear go raibh neart 6.2 ag an gcrith talúin ar an scála Richter a bhuail ag 3.30 ar maidin agus ag doimhneas 10cm.
Ag labhairt dó leis na meáin aitiúla, dúirt Meara Amatrice Sergio Perozzi go bhfuil trí ceathrú den baile scriosta ag an crith talúin.
