Dúirt Cumann Idirnáisiúnta na Dornálaíochta Amaitéaraí go bhfuil roinnt moltóirí agus réiteoirí ag na Cluichí Oilimpeacha i Rio díbeartha acu.
Rinneadh an cinneadh tar éis don Chumann athbhreithniú a dhéanamh ar thorthaí roinnt babhtaí dornálaíochta.
Dúirt siad nach raibh an toradh a raibh súil leis ar roinnt den 239 babhta.
Dúirt an Cumann, ina dhiaidh sin féin, nach mbeadh aon athrú ar na torthaí a fógraíodh go dtí seo.
Inné, chaill an dornálaí Éireannach Michael Conlan a throid ceathrú ceannais in aghaidh an Rúisigh Vladimir Niktin. Tá amhras caite ar chinneadh na moltóirí, áfach.
