Tá tiománaithe i mBus Átha Cliath, ar baill den cheardchumann SIPTU iad,tar éis vótáil i bhfábhar aighneas tionsclaíoch.
D'fhéadfadh stailc a bheith mar thoradh ar seo.
Vótáil 95% de SIPTU i bhfábhar dul i mbun aighnis thionsclaíoch.
An tseachtain seo caite vótáil baill de Cheardchumann na n-oibrithe Bus agus Iarnróid (NBRU) i bhfábhar dul i mbun aighnis freisin.
Cúrsaí pá faoi ndear an t-aighneas seo.
Tá tiománaithe ag diúltú an 8.2% d'ardú pá thar tréimhse 3 bliana atá molta ag an gCúirt Oibreachais.
Teastaíonn uathusan go n-ardófaí pá 18%, an t-ardú céanna a bronnadh ar oibrithe Luas níos túisce i mbliana.
Má théitear ar aghaidh leis an stailc seo d'fhéadfadh suas le 334,000 paisinéir in aghaidh an lae a bheith buailte.
