Beidh searmanas oscailte na gCluichí Oilimpeacha Samhraidh ar bun i Rio de Janeiro níos deireanaí anocht.
Thart ar 11,000 lúthchleasaí a bheidh ag glacadh páirte sa searmanas sa staid agus beidh thart ar 50,000 lucht féachana i láthair chomh maith.
Meastar go mbeidh suas le 3 mhíle milliún duine ag breathnú ar an searmanas ar an teilifís ar fud na cruinne.
Craolfar searmanas oscailte na gCluichí beo ar bhealach teilifíse RTÉ 2 ag 11.30 anocht.
