Tá os cionn €1.5m bailithe d'Ospidéal na nGasúr i Sráid Temple i mBleá Cliath ó tosaíodh ag reáchtáil leathmharatón Inis Mór sa mbliain 2001 - rás a bheidh ar bun arís an deireadh seachtaine seo.
Dúirt duine den lucht eagraithe Liam Ó Cualáin nach bhféadfaidh ach oiread áirithe daoine a bheith páirteach sa leathmharatón mar nach bhfuil aon áit in Inis Mór in ann glacadh le h-os cionn 200 duine suite ag dinnéar.
Dúirt sé go bhfuil na laincisí pleanála atá ar phobal an oileáin ag goilliúint ar thionscal na turasóireachta agus gur sampla maith dó sin é an cás a bhaineann leis an leathmharatón.
RTÉ RnaG foinse an scéil
