Sa Chúirt Choiriúil Speisialta, gearradh sé bliana príosúin ar fhear a deir Gardaí a bhí ina dhéantóir buamaí agus ina innealtóir don Fhíor-IRA, mar a thugtar orthu.
Ciontaíodh Samuel Devlin, 58 bliain d'aois, as Co Thír Eoghain ó dhúchas, fao ábhar pléascach a bheith ina sheilbh aige ar 11 Bealtaine anuraidh.
Fuarthas an t-ábhar pléascach sa sealla a raibh sé ag fanacht ann in Óstán Chaisleáin Bhaile Finn in iarthar Bhaile Átha Cliath.
Fuarthas buama i ngluaisteán i gcarrchlós an óstáin freisin, an chéad uair le sé bliana déag a fuarthas a leithéid i mBaile Átha Cliath.
Dúirt an Breitheamh Paul Butler nach raibh aon fhianaise ann go raibh baint ag Samuel Devlin leis an mbuama sa charr.
