Tá sé fógraithe gurb í Dee Forbes bean as Drom Dhá Liag in Iarthar Chorcaí ó dhúchas atá ceaptha ina Príomhstiúrthóir ar RTE, an chéad bhean sa phost is sinsearaí in RTE.
Tiocfaidh sí i gcomharbacht ar Noel Curran atá ag éirí as ag deireadh na míosa.
Sí a bhíonn i bhfeighil gníomhaíochtaí tráchtála agus cainéil do ghréasáin Discovery i dTuaisceart na hEorpa.
Dúirt Cathaoirleach Bhord RTÉ, Moya Doherty gur ceapachán fíor-shuntasach an ceapachán seo.
Seo an chéad uair le beagnach 50 bliain a ceapadh Príomhstiúrthóir ón dtaobh amuigh den eagraíocht agus ar ndoigh, an chéad bhean i gceannas riamh.
Ar fhógairt a ceapachán, dúirt Dee Forbes gur cinneadh fíor-chrua a bhí ann Discovery a fhágaint ach gur deis saoil í filleadh ar Éireann le ceannas a ghlacadh ar an bpríomh-chraoltóir, RTÉ.
