I gcúirt i mBéal Feirste inniu ceadaíodh athbhreithniú breithiúnach i gcás dúnmharaithe Jean Smyth i mBéal Feirste i 1972.
Tuigtear anois gur aonad de chuid Arm na Breataine a mharaigh í.
Bhí an milleán curtha ar an IRA ar feadh 40 bliain as an dúnmharú.
Ach tá fianaise tagtha chun solais le bliain anuas a dhíríonn méir i dtreo Arm na Breataine.
I Meitheamh 1972 a scaoileadh Jean Smyth sa chloigeann.
24 bliain d'aois a bhí sí ag an am, bhásaigh sí ar a bealach chuig an ospidéal.
Dúirt fórsa póilíneachta an RUC, mar a bhí ag an am, gurb iad an tIRA a mharaigh í.
Ar feadh 42 bliain chreid teaghlach Jean Smyth an méid sin.
Ach anuraidh nochtadh cartlann a bhí faoi chlúdach i Londain.
Thaispeáin sin gur Fórsa Frithghnímh Mhíleata an Airm a mharaigh í.
Ghlac teaghlach Jean Smyth cás i gcoinne chinneadh an Stáit gan fiosrúchán nua dúnmharaithe a bhunú.
Teaghlach Jean Smyth lasmuigh den chúirt inniu
Agus rialaigh an Breitheamh inniu athbhreithniú breithiúnach a chéadú ar an chás.
Éistfear leis an chás taobh istigh de chúpla mí.
