Tuairiscítear 43 duine ar a laghad a bheith marbh i dtimpiste bóthair in iardheisceart na Fraince.
Tharla an timpiste nuair a bhuail trucail agus bus faoina chéile lámh le cathair Bordeaux.
Bhásaigh tiománaí an trucail agus suas le 39 duine a bhí ar an mbus .
Ba ar bhóthar cúng taobh amuigh de bhaile Libourne a tharla an timpiste thart ar 7.30 sa tráthnóna.
Tuigtear gur Francaigh ar fad a maraíodh.
Dúirt na meáin áitiúla ansin go ndeachaigh an bus agus an leoraí thré thine tar éis na timpiste.
Tragóid ollmhór a thug Uachtarán na Fraince Francois Hollande ar an timpiste seo 60 ciliméadar soir ó Bordeaux.
Tá seisean sa Ghréig faoi láthair.
Deirtear gurb í an timpiste seo an ceann ba mheasa sa Fhrainc le 30 bliain.
