Tá cúiteamh eatramhach de dhá mhilliún euro ceadaithe ag an Ard-Chúirt do bhuachaill deich mbliana d'aois, ar bhain gortuithe dá inchinn agus é á thabhairt ar an saol.
Dúradh sa chúirt gur bhain roinnt gortuithe d'inchinn Lee Gibson as Rinn an Scidígh i gCorcaigh.
Maíodh gur tharla seo mar gheall ar easpa ocsaigine agus mar gheall nár cuireadh cóir leighis ar ionfhabhtú a bhí air.
Tá pairilis cheirbreach ar an mbuachaill anois.
Tugadh an cás in aghaidh Ospidéal Naomh Fionnbarra agus Ospidéal Erinville i gCorcaigh. Níor admhaíodh dliteanas sa chúirt inniu.
