Cuirfear 140 post nua ar fáil in ionad nua atá le bunú ag comhlacht táirgí leighis in iarthar Bhaile Átha Cliath.
Stóras mór idirnáisiúnta dá gcuid táirgí plasma fola a bheidh in ionad an chomhlachta Grifols i gCluain Dolcáin. Is as an ionad sin a dháilfear na táirgí sin ar fud an domhain.
Beidh taighde, obair riaracháin agus bainistíochta ar bun san ionad freisin. Tá €100 milliún á infheistiú sa togra agus earcófar an 140 fostaí nua as seo go ceann bliana.
Agus cruthófar 60 post nua chomh maith i gcomhlacht breosla gan toit i bhFaing, Co Luimnigh.
