Tá sochraid an cheoltóra agus an láithreora teilifíse Cilla Black ar bun i gcathair Learpholl i Sasana tráthnóna inniu.
I measc an dream aitheanta a bhí i láthair bhí Cliff Richard, Christopher Biggins, agus Jimmy Tarbuck.
Bhí na mílte seasta le taobh an bhóthair feadh an bhealaigh chuig Séipéal Caitiliceach Naomh Muire i Woolton lena n-omós a léiriú.
Ba sa séipéal sin a phós sí a fear céile Bobby Willis i 1969.
Ba é an t-Oirmhinneach Thomas Williams príomhcheiliúraí an Aifrinn.
Thug a dlúth-cara Paul O'Grady an óráid mholta dheiridh sa séipéal ag a raibh a triúr mac i láthair.
72 bliain d'aois a bhí Cilla Black.
Bhí aithne uirthi go forleathan a bhuíochas di a bheith ag láithriú na gcláracha móra le rá, Blind Date agus Surprise, Surprise.
Bhásaigh sí nuair a gortaíodh í sa cheann tar éis di titim taobh amuigh dá teach saoire sa Spáinn ag tús na míosa seo.
Cuirfear í a dteannta a tuismitheoirí i reilig Allerton Learpholl.
