Tá fear as an Fhrainc gafa sa mBulgáir agus é ag iarraidh a dhul trasna na teorann go dtí an Tuirc. Bhíodh an Francach a deir na húdaráis i dteagmháil go leanúnach le Cherif Kouachi, duine de na deartháireacha a thug faoi na hionsaithe i bPáras an tseachtain seo caite.
Saoránach de chuid na Fraince, as Háítí ó dhúchas é Fritz-Joly Joachin, atá 29.
Deir an t-ionchúisitheoir Darina Slavova go raibh Joachin agus Kouachi i dteagmháil go rialta le chéile, go dtí coícís roimh an sléacht inar maraíodh dáréag in oifigí Charlie Hebdo.
