Maraíodh bean sna seachtóidí de bharr dóiteáin ina teach cónaithe i gCo Dhún na nGall go moch ar maidin. Tharla an dóiteán sa teach i mBaile na Bó i gceantar an Chraoslaigh, i dtuaisceart an chontae, go gairid tar éis 1 a chlog.
Cuireadh fios na seirbhísí éigeandála agus is iad a tháinig ar chorp na mná. Bhí sí ina cónaí ina haonar sa teach. Tugadh a corp go hOspidéal Ginearálta Leitir Ceanainn, áit a ndéanfar scrúdú iarbháis níos deireanaí inniu.
Tá scrúdú teicniúil á dhéanamh ar an teach ag na Gardaí.
