Dúirt Ardeaspag Caitiliceach Bhaile Átha Cliath, Diarmuid Martin, go bhfaighidh dúbailt an líon den bpobal dinnéar na Nollag saor in aisce san RDS sa gcathair inniu, ná mar a fuair anuraidh.
Dúirt sé ina sheanmóir Nollag sa Leas Ardeaglais i mBaile Átha Cliath aréir, go bhfuil dhá oiread bídh dáilte an Nollaig seo orthu siúd atá i ngátar ag áisíneacht na Deoise, Crosscare.
Dúirt sé gur féidir borradh eacnamaíochta a thomhas de réir na gcaighdeán atá leagtha síos ag na Forais Idirnáisiúnta Airgeadais, ach nach scéal iomlán é i ndáiríre gan léargas a thabhairt chomh maith orthu siúd ar a bhfuil an bhróig ag luí.
