Dúirt an Taoiseach go scriosfadh rialtas ina mbeadh páirtithe mar Shinn Féin páirteach pé maitheas eacnamaíochta atá bainte amach sa tír le blianta beaga anuas.
Tá an rogha a bheadh ag an bpobal sa chéad toghchán eile ag éirí níos soiléire anois - rialtas le Fine Gael i gceannas nó rialtas le Sinn Féin i gceannas a dúirt sé.
Thug an Taoiseach foláireamh do dhaoine a machnamh a dhéanamh faoi cad a bhí uatha i ndiaidh an chéad olltoghchán eile - rialtas a dhíreodh ar chruthú poist, fás agus rachmas nó rialtas a chuirfeadh gach a raibh bainte amach le blianta beaga anuas i mbaol.
Gheall sé arís go laghdódh sé cáin ioncaim dá dtoghfaí ina Thaoiseach arís é.
