Tá fear gafa ag gardaí i mBaile Átha Cliath i dtaca le bás fir eile de bharr eachtra sáite a tharla i Seantrabh ó thuaidh den chathair níos túisce tráthnóna.
Fear sna fichidí a bhásaigh lámh le bloc árasán ansin.
Cuireadh fios ar na gardaí agus bhí siad ar an láthair thart ar a 3 a chlog.
Tháinig siad ar fhear a bhí gonta, bhásaigh an té sin in ospidéal Beaumont níos deireanaí.
Gabhadh fear, sna fichidí creidtear, ina dhiaidh sin.
Tá sé á choinneáil i Stáisiún na nGardaí i mBaile Munna faoi Alt a 4 den Acht um Cheartas Coiriúil 1984.
Tá an láthair dúnta do scrúdaithe teicniúla agus fóiréinseach.
Tá paiteolaí an Stáit curtha ar an eolas.
Iarrtar ar aon duine a bhfuil eolas acu faoin eachtra seo glaoch ar stáisiún na nGardaí i mBaile Munna ag 01-666 4400.
