Féachann láithreoir an chláir, An Saol Ó Dheas ar RTÉ Raidió na Gaeltachta ar an mbliain mar a bhí agus an bhliain amach romhainn. 

Dá mbeifeá le 3 fhocal a roghnú le cur síos a dhéanamh ar 2017, cad a roghnófá?

-Sciobadh Danny uainn.

Danny Sheehy, a cailleadh le linn na bliana

Clúdaíonn An Saol Ó Dheas ábhar an-leathan, an bhfuil mír ar bith a sheasann amach duitse?

-an clár speisialta le Conchubhar O Luasa,a mhuintir agus a  chairde i mBaile  Bhúirne agus Corn Sheáin Uí Riada buaite aige. Níl aon teora le pobal ag teacht le chéile ag ceilliúradh nósanna agus an traidisiún san á sheoladh ó ghlúin go glúin.

Deirtear go bhfuil draíocht ag muintir Dhuibhneach, cad as a dtagann an draíocht sin, an dóigh leat?

Tagann ana chuid don draíocht amach as Loch Chráilí mar a bhfuil ollphiast agus corcán ar a cheann.Mar a mbeadh an corcán san a chuir Naomh Eirc air,bheimíst ithe fadó aige!

Cad é an rud is mó a bhfuil tú ag súil leis ó 2018?

-an sult agus an sásamh céanna a bhaint as an saol.

Craoltar An Saol Ó Dheas ón Luan go hAoine ar RTÉ Raidió na Gaeltachta idir 12.08-1.00.