Sna 1830idí, bhain na Conneries ó Bhoth a Dúin i gCo Phort Láirge clú is cáil amach - ach cad a dheineadar le aird an phobail agus na n-údarás a tharraingt orthu fhéin, cé mhéid deartháir a bhí ann, cén t-ainm a bhí orthu, agus an mó amhrán a cumadh fútha? Sa chlár seo téitear ar thóir na gConneries, tugtar cuairt ar a gceantar dúchais, déantar inniúchadh ar a raibh ráite fútha i dtuairiscí nuachtán na linne, agus dírítear, go háirithe, ar na hamhráin a cumadh fés na Conneries.