Níl Uachtarán na Stát Aontaithe ná Uachtarán na Síne ar aon fhocal is cosúil maidir le cén bhail a bhí ar an gcuairt stáit i Beijing le cúpla lá.
Deir Uachtarán na Síne, Xi Jinping go bhféadfadh ceist Taiwan a bheith ina chnámh mór spairne idir an dá thír.
Tá Uachtarán Mheiriceá,Donald Trump ag maíomh áfach gur léirigh an tSín báúlacht i leith na Stát Aontaithe.
In agallamh le cainéal teilifíse Fox News dúirt an tUasal Trump gur thairg Uachtarán na Síne cúnamh dó i dtaca le Caolas Hormuz a oscailt in athuair, gur thoiligh sé ola a cheannacht ó Mheiriceá agus go staonfadh a thír ó bheith ag seoladh trealamh míleata chuig an Iaráin.
