Deir na Gardaí nár gortaíodh aon duine de na daoine óga, daltaí meánscoile, a bhí ar bhus a chuaigh le thine agus í faoi shiúl ar mhótarbhealach an M7 i gCo Laoise.
Tuigtear gur i gcúl an bhus a thosaigh an tine siar ó Dhoire na Saileach idir Acomhal 21 agus Acomhal 22 ag thart ar 8.15 ar maidin.
Dúnadh an mótarbhealach fad is a bhí lucht dóiteáin ag dul i ngleic leis an tine ach tá sé oscailte arís ó shin.
Daltaí i gColáiste Pobail Naomh Iósaf i gCill Chaoi i gCo an Chláir a bhí ar an mbus agus iad ar a mbealach go Co na Mí.
Tháing bus eile faoina gcoinne agus bhain siad ceann scríbe amach go slán sábháilte.
Nuacht agus Cúrsaí Reatha RTÉ
