Tá fiosrúchán ar bun faoi bhás príosúnaigh i bPríosún Lár na Tíre i bPort Laoise.
Dhearbhaigh Seirbhís Phríosúin na hÉireann go bhfuair an fear bás ansin inné.
Is iad an tSeirbhís Phríosúin féin, Oifig an Chigire Príosún agus an Garda Síochána atá i mbun an fhiosrúcháin.
I ráiteas, dúirt an tSeirbhís Phríosúin go dtugtar faoi fhiosrúchán mar é nuair is léir go dteastaíonn sé.
Rinneadh comhbhrón sa ráiteas le teaghlach agus le cairde an fhir.
Nuacht agus Cúrsaí Reatha RTÉ
