Tá cuid bheag den teorainn idir Gaza agus an Éigipt oscailte in athuair ag údaráis Iosrael ar maidin.
Bhí an teorainn sin dúnta le 2 bhliain.
Deir arm Iosrael atá i mbun maoirseachta ar an teorainn go mbeadh teora leis an líon duine a d'fhéadfadh trasnú ar mhaithe le soláthairtí a chur ar fáil.
Ainneoin go bhfuil sos comhraic ann faoi láthair tá eachtraí foiréigin ag tarlú i gcónaí sa réigiún.
Tuairiscítear gur maraíodh roinnt daoine sa stráice inné a bhuíochas d'ionsaithe ó arm Iosrael.
Deir arm Iosrael gur freagra a bhí anseo ar eachtraí foiréigin faoina raibh an sos comhraic á shárú.
Tá sé ráite ag Iosrael freisin nach bhfuil sé chun cead a thabhairt a thuilleadh don charthanacht idirnáisiúnta Médecins Sans Frontières (Doctors Without Borders) feidhmiú i Gaza.
Deir sé go bhfuil sé á dhéanamh seo mar gur theip ar an eagraíocht liosta a chur ar fáil dá fhoireann Pailistíneach.
