Maraíodh iascaire agus gortaíodh go dona iascaire eile i dtimpiste a tharla ar an mbád a raibh siad ag obair uirthi amach ó chósta Chiarraí ar maidin inniu
Is cosúil gur gortaíodh an bheirt fhear nuair a bhris rópa ar an mbád – an Novoalborada – ar sa Spáinn atá sí cláraithe.
Is iad na seirbhísí tarrthála cósta sa Spáinn a chuir fios ar an nGarda Cósta i nDairbhre go gairid tar éis 9 a chlog ar maidin.
Dhá héileacaptar agus eitleán leis an nGarda Cósta a chuaigh chuig láthair na tubaiste ach bhásaigh duine den bheirt fhear ar an mbád sula raibh faill teacht i gcabhair air.
Tugadh an fear a gortaíodh go hOspidéal na hOllscoile i gCorcaigh ar cheann de na héileacaptair.
Ba mhór an dúshlan an fear a chur sa héileacaptar de bharr a choipthe a bhí an fharraige agus ólaithe chomh hard le sé mhéadar sa limistéar ag an am.
Tá corp an iascaire eile le tabhairt i dtír i gCo Chiarraí a luaithe is féidir.
Nuacht agus Cúrsaí Reatha RTÉ
