Tugadh iarracht ar phóilín a shá sa cholainn le scian sealgaire i gcathair Dhoire go moch ar maidin inniu.
Thug fear óg fogha faoi thriúr póilíní agus iad ag iarraidh é a ghabháil i gceantar Chuillinn ag thart ar 2 a chlog ar maidin.
D'fhéach an fear le duine de na póilíní a shá sa cholainn ach níor tolladh é mar go raibh sé ag caitheamh veist chosanta.
Mar sin féin, ghearr an fear póilín eile sa chois leis an scian chíre a bhí cúig orlach ar fad.
Ar deireadh, cheansaigh na póilíní an fear le sprae piobair agus lena mbaitíní.
Tugadh chun an ospidéil an t-oifigeach a ghearradh sa chois, áit ar dúnadh an lot le greamanna.
Creidtear go mbeadh mórdhíobháil déanta don phóilín eile murach a veist chosanta.
Tá fear 21 bliain d'aois á cheistiú faoi iarracht a dhéanamh ar an bpóilín sin a dhúnmharú.
Bhíothas sa tóir air aréir faoi choinníollacha bannaí a shárú.
Nuacht agus Cúrsaí Reatha RTÉ
