Dódh bean go dona nuair a caitheadh peitreal léi agus a lasadh í ina teach cónaithe i gCluain Dolcáin in iarthar Bhaile Átha Cliath ar maidin inniu.
Tharla an t-ionsaí in eastát Mhulláin na Darach ar Bhóthar an Bhútaigh ag 10.10 ar maidin.
Buaileadh cnag ar dhoras an tí agus a luaithe a d'oscail an bhean é is amhlaidh a spréachadh an peitreal uirthi agus a lasadh í.
Chuir na seirbhísí éigeandála cóir leighis ar an mbean ar an mball agus tugadh í ina dhiaidh sin go hOspidéal na hOllscoile, Tamhlacht, áit a bhfuil sí an-dona tinn.
Gortaíodh fear freisin san ionsaí.
Bhí roinnt daoine eile sa teach ag an am ach tuigtear nár gortaíodh aon duine acusan.
Deir na Gardaí gur ionsaí gránna, scéiniúil a bhí ann a rinneadh le mírún.
Ceapann siad go mb'fhéidir go bhfuil baint ag drugaí leis an scéal.
Nuacht agus Cúrsaí Reatha RTÉ
