Fuarthas corp fir i dtaiscumar i Léim an Bhradáin i gCo Chill Dara go moch ar maidin inniu tar éis do bhean sna caogaidí a bheith gortaithe go dona i dteach ar an mbaile sin.
Tharla dóiteán sa teach agus tugadh an bhean go dtí Ospidéal Uí Chonghaile i mBaile Bhlainséir, áit a bhfuil sí go dona tinn.
Fuair tumadóirí an Gharda Síochána corp an fhir sa taiscumar ag thart ar 6 a chlog ar maidin.
Sna caogaidí a bhí an fear.
Nuacht agus Cúrsaí Reatha RTÉ
