Gearradh príosún saoil ar bheirt fhear as dúnmharú Josip Strok, fear 31 bliain d'aois ón Chróit ó dhúchas a hionsaíodh ar shráid i mBaile Átha Cliath anuraidh agus a bhásaigh ina dhiaidh sin san ospidéal.
Bhí an chúis séanta ag Mark Lee (44), nach bhfuil aon sheoladh buan aige agus Anthony Delappe (19) ó Ascail Melrose i gCluain Dolcáin.
Fuarthas ciontach iad áfach an mhí seo caite sa dúnmharú a tharla ar an 30Márta 2024.
Fuarthas an triú fear,Conor Rafferty (21) as Clós Gráinseach an Chaisleáin neamhchiontach sa dúnmharú céanna.
Phléadáil an triúr díobh ciontach as cara leis an té a dúnmharaíodh,David Druzinec (29) a ionsaí ag an láthair chéanna, ar an dáta céanna.
Gearradh 6 bliana ar Lee agus 3 1/2 bliana ar Delappe as an ionsaí sin; gearrfar pionós ar Rafferty faoin ionsaí an tseachtain seo chugainn.
