Dúirt an Taoiseach Micheál Martin go gcreideann sé go mbeidh Plean Náisiúnta Tithíochta an Rialtais atá ag dul os comhair na nAirí ar maidin ar an bplean is fearr fós ó thaobh na hinfheistíochta i dtithe cónaithe dhe.
Tá sé i gceist faoin bplean go mbeadh 300,000 teach nua againn sa tír as seo go ceann 5 bliana.
Tá an Rialtas le €100m a infheistiú ionas go mbeifear ábalta tithíocht a chur ar fáil don dream is faide ar an liosta i dtús báire.
Tá súil ag an Rialtas go réiteoidh sé seo an fhadhb maidir le teaghlaigh agus páistí gan dídean.
Gheobhaidh an Ghníomhaireacht Forbartha Talún (LDA) €2.5bn breise agus beidh úsáid níos forleithne á baint ag údaráis áitiúla as orduithe ceannaithe éigeantach le tithe nach bhfuil in úsáid a cheannach.
Má ghlacann na hairí leis an bplean inniu foilseofar é amárach.
Deir lucht an fhreasúra áfach gur ag cur leis an ngéarchéim tithíochta atá an Rialtas i gcónaí agus nach n-athróidh an polasaí nua seo aon ní.
