I gCúirt Dúiche Dhoire an Fhéiich i gConamara, phléadáil fear 48 bliain d'aois ciontach i mbagairt ar líne i mí Lúnasa anuraidh go maródh sé an Tánaiste Simon Harris agus a theaghlach nó go ndéanfadh sé díobháil thromchúiseach dóíbh.
Sin é Patrick Grealish, as Garraí an Choirce, Leitir Mealláin, i gConamara, ar scaoileadh saor ar bannaí é go dtí an 16 Nollaig.
Dúradh sa chúirt go réiteofaí tuairisc promhaidh agus ráiteas tionchair íospartaigh idir an dá linn.
Gabhadh Patrick Grealish i mí Lúnasa 2024 agus cúisíodh é i mbagairt ar Simon Harris go maródh sé é agus a theaghlach, nó go ndéanfadh sé díobháil thromchúiseach dóibh, sa chaoi go gcreidfeadh Simon Harris go gcuirfí an bhagairt i ngníomh.
D'ordaigh an chúirt cheana nach raibh cead ag Patrick Grealish dul ar líne fad is a bhí sé ar bannaí, agus go gcaithfeadh sé a phas a thabhairt ar láimh do na Gardaí agus fanacht sa bhaile idir 11 a chlog san oíche agus 7 a chlog ar maidin.
Nuacht agus Cúrsaí Reatha RTÉ
