Tá an bheirt iarrthóirí sa toghchán Uachtaránachta i mBaile Átha Cliath inniu agus iad ag fáil faoi réir don díospóireacht dheireanach eatarthu a bheas ar siúl ar ar theilifís RTÉ anocht.
Is í Miriam O'Callaghan a bheas mar chathaoirleach ar an díospóireacht.
De réir na bpobabhreitheanna, tá tús suntasach ag iarrthóir na heite clé Catherine Connolly ar iarrthóir Fhine Gael Heather Humphreys.
Mar sin féin, 49% de na daoine a ceistíodh i bpobalbhreith an Irish Times Ipsos B&A a foilsíodh Déardaoin seo caite, dúirt siad nach ionann an dearcadh atá acusan ar an saol agus an dearcadh atá ag ceachtar den bheirt iarrthóirí.
Dúirt 18% nach raibh siad cinnte cé dó a dtabhairfidís a vótá lá an toghcháin.
Thug 12% le fios nach gcaithfidís aon vóta agus dúirt 6% go raibh sé i gceist acu a vóta a mhilleadh.
Dúirt 5% go raibh rún acu vótáil ar son Jim Gavin, iariarrthóir Fhianna Fáil a mbeidh a ainm ar an bpáipéar balóide i gcónaí in ainneoin gur tharraing sé amach as an toghchán.
Nuacht agus Cúrsaí Reatha RTÉ
