D'imigh na céadta suíomh idirlín agus aipeanna as líne inniu.
Fadhb theicniúil leis an gcomhlacht néal ríomhaireachta 'Amazon Web Services' faoi ndear é seo a dúradh.
Tá an chuma air nach raibh tionchar mór aige anseo in Éirinn.
Níorbh amhlaidh sin i ndlínsí eile ar fud an domhain áfach.
Ghoill an fhadhb ar shuíomhanna áirithe, ina measc 'Snapchat', 'Duolingo', 'Zoom' agus 'Lloyds Bank'.
Deir Amazon Web Services go bhfuil an fhadhb bhunúsach socruithe aige ach go dtógfaidh sé tamall sula mbeidh an córas curtha ina cheart ar fad.
