Tá triail iar-cheannaire an DUP,Jeffrey Donaldson agus a bhean chéile Eleanor, a bhfuil cúiseanna i dtaca le coireanna gnéis tugtha ina gcoinne, curtha ar atráth don dara babhta.
Sin toisc é bheith tugtha le fios nach bhfuil sláinte Eleanor Donaldson ró-mhaith.
Deir breitheamh inniu go bhfuil sé chomh dócha anois nach dtosóidh an triail seo go dtí an bhliain seo chugainn.
Ba i mí na Márta seo caite an chéad dáta a bhí tugtha do thús na trialach seo, cuireadh siar ansin é go tús na míosa seo chugainn ach dúradh inniu nach dtosóidh sé faoin tráth sin ach oiread.
18 cúis ar fad atá tugtha i gcoinne Jeffrey Donaldson, cúis éignithe san áireamh.
Tá 5 chúis tugtha i gcoinne Eleanor Donaldson, iad sin bainteach le bheith ag tacú lena fear céile agus é i mbun na coiriúlachta seo más fíor.
Tá an chúirt ag fanacht anois ar thuairisc leighis i dtaca le sláinte Eleanor Donaldson agus déanfar athbhreithniú ar an gcás arís ar an 13Samhain.
