Níl ach 2 lá fágtha anois ag iarrthóirí leis an tacaíocht chuí a fháil a cheadóidh dóibh a bheith san iomaíocht do thoghchán na huachtaránachta.
Tá dóchas áirithe i gcónaí ag na hiarrthóirí neamhspleácha, Gareth Sheridan agus Maria Steen go n-éireoidh leosan a n-ainmneacha a bheith ar an bpáipéar ballóide faoi thráthnóna Dé Céadaoin.
Tá 2 chomhairle áitiúil i ndiaidh seasamh le Gareth Sheridan, teastaíonn péire eile fós uaidh.
Tá sé ag súil go bhfaighidh sé beannachtaí inniu ó chomhairlí contaetha na Mí, an Lú agus Uíbh Fhailí agus thabharfadh sé sin thar an tairseach eisean dá dtarlódh sé.
Tá Comhairle Chontae na Mí ag éisteacht le haighneachtaí faoi láthair.
Is thrí bhaill an Oireachtais atá Maria Steen ag lorg a hainmniúcháin siúd.
Tá 13 aicise cheana féin, teastaíonn seachtar eile agus ba mhór an borradh a bheadh fúithi dá bhfaigheadh sí tacaíocht na gceathrar Teachtaí Dála ó Éire Neamhspleách.
Triúr go cinnte atá ag seasamh go dtí seo, is iad sin Heather Humphreys atá curtha chun cinn ag Fine Gael,Jim Gavin iarrthóir Fhianna Fáil agus Catherine Connolly a fuair tacaíocht ó pháiritithe éagsúla sa bhfreasúra,Sinn Féin ina measc.
Dúirt an t-iarrthóir Catherine Connolly nach raibh aon bhaint ag a cuairt le deireanaí ar iarthar Bhéal Feirste leis an tacaíocht atá faighte aici ó pháirtí Shinn Féin.
