Tá sé ráite ag fear céile saoránaigh ón tír seo atá i mbaol a díbeartha óna Stáit Aontaithe go bhfuil sé dulta ó mheabhair air cén chaoi a bhfuil a bhean chéile sa ghámh ina bhfuil sí thall ansin.
Deir Jim Brown, fear éile Donna Hughes-Brown go bhfuil súil aige go mbeidh foireann dlí a mhná céile in ann cás láidir a dhéanamh ag éisteacht faoi cheann seachtaine, ionas nach ndíbreofar as an tír í.
Ghabh póilíní Donna Hughes-Brown i mí Iúil i mbliana i ndiaidh di filleadh ar na Stáit Aontaithe ó Éirinn.
Tá cárta glas aici agus cónaí uirthi sna Stáit Aontaithe ó bhí sí 11.
Bhain a gabháil sa Samhradh le seic a scríobh sí i 2015 gan dóthain airgid a bheith sa mbanc aici.
Socraíodh an cás sin ag an am agus d'aisíoc sí an t-airgead.
Fós féin, tógadh Donna ag an aerfort i Chicago 2 mhí ó shin, coinníodh í ar feadh 5 lá sular seoladh ansin í chuig ionad coinneála ICE i Stát Kentucky, áit a bhfuil sí ó shin.
Tá na dlíthe díbeartha sna Stáit Aontaithe géaraithe go mór ó tháinig Donald Trump chun cinn mar uachtarán i mí Eanáir seo caite.
Is féidir aon duine, nach saoránach é a dhíbirt má tá aon chiontú coiriúlachta ar an taifead ina choinne.
Deir Jim Brown áfach gur ar choirpigh chontúirteacha a bhí na dlíthe seo dírithe go príomha, ach gur léir i gcás a mhná céile go bhfuil mion-choireanna i gceist chomh maith.
chóir na dlíthe seo a dhíriú
