Tá corp dhuine eile de na gialla a bhí á choinneáil ag treallchogaithe Hamas i Gaza ó aimsir an ionsaithe uafáis i nDeireadh Fómhair 2023 faighte anois ag arm Iosrael.
Deirtear go bhfuarthas corp Nattapong Pinta, de bhunadh na Téalainne, i gcathair Rafah i ndeisceart Gaza ar maidin.
Deir na húdaráis in Iosrael go raibh Nattapong Pinta á choinneáil ag mílisteoirí Bhriogáid Mujahedeen.
Tuigtear nach bhfuil ach 20 den 55 giall atá fós á gcoinneáil le breis is bliain go leith anois, beo faoi láthair.
Níl a fhios fós an ndáilfear fóirithint i Gaza inniu agus formhór an daonra ag an tráth seo i mbaol ón ngorta a bhuíochas don imshuí atá ar bun ar an stráice le 3 mhí ag fórsaí Iosrael.
Tuairiscítear freisin gur maraíodh ar a laghad 45 Pailistíneach eile san ionsaí aeir is deireanaí i Gaza.
