Tá fiosrúchán dúnmharaithe ar bun ag na póilíní sa Tuaisceart maidir le bás mná a bhfuarthas a corp i dteach i mBéal Feirste deireanach aréir.
Fuarthas corp Marie Green, a bhí 71 bliain d'aois, sa teach ar Bhóthar an Chladaigh go gairid roimh an meán oíche.
Gabhadh fear 31 bliain d'aois ar amhras go ndearna sé dúnmharú.
Tá scrúduithe dlí-eolaíochta á ndéanamh ar an teach i gcónaí.
Nuacht agus Cúrsaí Reatha RTÉ
