Dúirt Uachtarán na Tuirce, Tayyip Erdogan tráthnóna go bhfuil sé mar aidhm aige Uachtaráin na hÚcráine agus an Rúise a thabhairt le chéile féachaint le socrú síochána a fháil idir an dá thír.
Dúirt sé gurb í a mhian an tUachtarán Zelenskyy agus Putin a thabhairt chuig cainteanna réitigh, bíodh siad sin i gcathair Ankara nó Istanbul.
Cuireadh clabhsúr tráthnóna leis an dara babhta de chainteanna síochána thall sa Tuirc ag a raibh oifigigh ón Rúis agus on Úcráin i láthair.
Breis is uair a chloig a mhair comhráití i gcathair Istanbul.
Thug Uacharán na hUcráine,Volodymyr Zelenskyy le fios go mbeadh an dá thír anois ag iarraidh teacht ar chomhréiteach maidir le malartú na bpríosúnach.
