Sa tSualainn, lámhachadh agus maraíodh thart ar dheichniúr in ionad oideachais do dhaoine fásta i mbaile Örebro, 200 ciliméadar siar ón bpríomhchathair Stócólm.
Tuigtear go bhfuil an fear a rinne an t-ionsaí lámhaigh i measc na marbh.
Deir na póilíní nach bhfuil a fhios acu fós cad a spreag an fear leis an áit a ionsaí ach is cosúil nach raibh aon bhaint aige le grúpa coiriúlachta ná le grúpa sceimhlitheoireachta.
Chomh maith leis na mairbh, tuairiscítear gur gortaíodh cúigear ar a laghad san ionsaí, duine acu go han-dona.
Nuacht agus Cúrsaí Reatha RTÉ
