Tuigtear nár tháinig aon duine slán ón timpiste aeir a tharla i gcathair Philadelphia sna Stáit Aontaithe tráthnóna inné.
Ba go gairid i ndiaidh di éirí a thuairt aerárthach othar 'medevac' a raibh seisear ar bord,leanbh ina measc.
Níl a fhios go fóill ar maraíodh aon duine san áit ar thit an t-eitleán.
Is le 'Jet Rescue Air' an t-eitleán atá i gceist, bunaithe i Meicsiceó ach ceadúnas aige feidhmiú sna Stáit Aontaithe.
Deir an comhlacht sin gur saoránaigh de chuid Mheicsiceó ar fad a bhí ar bord.
Níl aon eolas tagtha chun cinn fós maidir le céard ba chúis leis an taisme.
Seo í an dara timpiste aeir sna Stáit Aontaithe le roinnt laethanta anuas i ndiaidh na tubaiste a tharla os cionn Washington Dé Céadaoin seo caite.
