Ceathrar saighdiúirí ban atá le scaoileadh saor amárach ag Hamas mar chuid den Chomhaontú sos-comhraic a haontaíodh le Rialtas Iosrael i rith na seachtaine.
Tugadh a gcuid ainmneacha tráthnóna.
Sin iad Karina Ariev, Daniella Gilboa, Naama Levy agus Liri Albag a bhí coinnithe mar ghialla ag na treallchogaithe le tamall.
Tuigtear go scaoilfear leo tráthnóna amárach de réir an eolais atá tagtha ó al-Qassam, ceann de bhriogáidí Hamas.
Tá Príomh Aire Iosrael,Benjamin Netanyahu curtha ar an eolas.
As seo go ceann 6 seachtainí tá Iosrael le 50 príosúnach Pailistíneach a ligean saor in aghaidh chuile shaighdiúir a dtugann Hamas cead scoir dó.
Is a bhuíochas de chomhaontú a chuir tíortha éagsúla sa Mheánoirthear le chéile atá an sos comhraic seo againn anois a bhfuiltear ag súil a chuirfidh deiridh leis an gcogadh is deireanaí 15 mí idir Iosrael agus Hamas a d'fhág stráice Gaza scriosta.
