Is beag trua ach oiread atá léirithe ag Stoirm Éowyn do lucht spóirt i gCúige Chonnacht.
Tháinig an scéala ar maidin gur fhág sí an t-ionad barrfeabhais i gContae Mhaigh Eo scriosta.
Idir €3.5m agus €4m a chosain Cruinneachán Aeir Chumann Lúthchleas Gael Chonnacht le tógáil agus osclaíodh go hoifigiúil é in Iúil 2020.
Tá an láthair suite idir Cnoc Mhuire agus Béal Átha Shamhnais agus is ann a bhí an Chraobh Náisiúnta Frisbee le reachtáil amárach.
Ní bheidh an dóm anois ann agus tá impleachtaí ag a scriosadh freisin do chomórtais 3ú leibhéal sna seachtainí romhainn, ina measc Coirn Sigerson, Fitzgibbon agus Ashbourne.
'Tógfaidh muid arís an t-ionad' a dúirt Príomhfheidhmeannach Chomhairle Chonnacht,John Prenty ar maidin.
