Den chéad uair le beagnach 40 bliain tá ráig den ghalar Crúb agus Béil sa Ghearmáin.
Tá eagraíocht feirmeoireachta an ICMSA sa tír seo ag moladh go gcuirfí beartais chuí i bhfeidhm ag na teorainneacha leis an ngalar a choinneáil amach.
Deir Uachtarán na heagraíochta,Denis Drennan go raibh súil aige go bhféadfaí an ráig seo is deireanaí ar an mór-roinn a smachtú agus go raibh sé muiníneach go ndéanfadh údaráis na Gearmáine seo.
D'iarr sé ar dhaoine a bheadh ag taisteal chun na Gearmáine a bheith airdeallach maidir le haon treoir a thabharfadh na húdaráis ina leith seo, go háirithe i gceantair cóngarach don phríomh-chathair Beirlín.
I 2001 bhí sé ina ghéarchéim sa tír s'againne nuair a bhuail ráig shuntasach den ghalar.
Bhí ar na húdaráis anseo na mílte bó agus caorach a chuir den tsaol agus srianta taistil a chur i bhfeidhm.
